Söluhross

Í Saurbæ er alltaf eitthvað af hrossum til sölu. Hér eru einnig falleg og vel ættuð folöld og trippi til sölu. Ef það er eitthvað sérstakt sem þú ert að leita að, skaltu hafa samband og við skoðum hvort við séum með hestinn fyrir þig eða getum hjálpað þér við að finna hann.

 


Hafið samband við Heiðrúnu eða Pétur.

  • Háfeti mikið tamin og þjáll reiðhestur

    Háfeti mikið tamin og þjáll reiðhestur

  • Bratti mjúkur töltari

    Bratti mjúkur töltari

  • Ljúfa, vel ættuð ræktunarhryssa SELD

    Ljúfa, vel ættuð ræktunarhryssa SELD

  • Blæja frá Saurbæ SELD

    Blæja frá Saurbæ SELD

  • Gráskinna - sjarmerandi hryssa  SELD

    Gráskinna - sjarmerandi hryssa SELD

  • Háfeti mikið tamin og þjáll reiðhestur

    Háfeti mikið tamin og þjáll reiðhestur

    Háfeti

    Háfeti frá Saurbæ IS2008157782 er mikið taminn og þjáll hestur. Góður reiðhestur sem kann margar fimiæfingar og gaman er að þjálfa hann í. Háfeti er fullkomin hestur fyrir knapa sem langar að læra meira og sækja námskeið eða kennslu, þar sem hann er frábær kennari og mundi henta vel í Knapamerkin eða Reiðmanninn svo dæmi sé tekið. 

    Háfeti er klárhestur með allar gangtegundir takthreinar og öruggar. Hann er mjög sveigjanlegur og þjáll og auðvelt sem dæmi að ríða honum slöngulínur á brokki/tölti og stökk á hringnum. Háfeti hefur farið einu sinni í innanhús keppni og fékk þá 5,7 í V5 eða léttum fjórgangi.

    Háfeti er undan fyrrum heimsmeistaranum Krafti frá Bringu og 1.verðlauna hryssunni Hendingu frá Saurbæ.

     

    Hægt er að sá myndband af Háfeta með því að ýta HÉR.

     

    Hér fyrir neðan er hægt að sjá fleiri myndir af Háfeta.

    Read more

  • Bratti mjúkur töltari

    Bratti mjúkur töltari

    Bratti t

    Bratti frá Saurbæ IS2010157782 er mjúkur hestur sem velur helst tölt. Bratti er með frábært ganglag fyrir hinn almenna reiðmann sem langar að eiga mjúkan reiðhest sem fer fallega og auðvelt er að ríða tölt. Bratti er alhliða hestur með mjúkt/brotið brokk, það er auðvelt að setja hann upp í stökk og hann stekkur rólega. Bratti býr yfir skeiði en það hefur lítið sem ekkert verið átt við það. Bratti er traustur, hlýðinn og taumléttur hestur. Bratti er næmur fyrir ábendingum og hentar vel fólki með einhverja reynslu eða vönu fólki. Bratti kann vel að víkja undan fæti og hægt að ríða honum inn í krossgang og sniðgang og gæti hann einnig hentað vel á námskeið. Bratti mundi líka sóma sér vel í hestaferð eða í léttri töltkeppni eins og T8 eða T4.

    Bratti er undan Roða frá Múla sem hlotið hefur 1. verðlaun fyrir afkvæmi og Birtingu frá Árgerði.

    Hægt er að sjá myndband af Bratta með þvi að ýta HÉR

    Read more

  • Ljúfa, vel ættuð ræktunarhryssa SELD

    Ljúfa, vel ættuð ræktunarhryssa SELD

    Ljúfa frá Hvoli IS2006282013, blup 112. Ljúfa er undan Þóroddi frá Þóroddstöðum og 1. verðlauna klárhryssu, Ljósbrá frá Hveragerði en hún var á Landsmóti 2002. Fyrverandi eigendur eru hættir í hestum og því er hryssan til sölu. Endilega hafið samband fyrir allar nánari upplýsingar og spurningar, heidrun(hja)saurbaer.is eða í síma 849 5654 . Á einnig til vídeó af hryssuni á fjórða vetur.

    • Ljúfa

      Ljúfa

    • Ljúfa

      Ljúfa

     

    Read more

  • Blæja frá Saurbæ SELD

    Blæja frá Saurbæ SELD

    Ert þú að leita þér að keppnishrossi, ræktunarhryssu eða bara frábæru reiðhrossi? Kannski er Blæja frá Saurbæ hryssa fyrir þig. Blæja er sjö vetra hryssa undan Hugadótturinni Hendingu frá Saurbæ og Blæ frá Hesti. Hending hefur sjálf hlotið 8,26 í aðaleinkunn, þar af 9,0 fyrir tölt, brokk og 9,5 fyrir fegurð í reið. Blær frá hesti er með 8,50 í aðaleinkunn þar af 9,0 fyrir vilja og 9,5 fyrir skeið.

    Blæja hefur hlotið 8,5 fyrir tölt, brokk, vilja, fegurð í reið og 9,0 fyrir stökk í kynbótadómi.

    Blæja er kát og viljug hryssa en jafnframt þjál og létt á tauminn og mjög skemmtilegt reiðhross. Hún er rúm á gangi með flottum fótaburði traust og jákvæð. Það er alltaf gaman að koma á bak Blæju.

    Áhugasamir hafið samband við Pétur í síma 864 5337 eða This email address is being protected from spambots. You need JavaScript enabled to view it.

    • Blæja Tölt

      Blæja Tölt 8,5 fyrir tölt

    • Blæja frá Saurbæ

      Blæja frá Saurbæ 8,5 fyrir brokk

    • Blæja frá Saurbæ

      Blæja frá Saurbæ

      Frábær vilji og geðslag
    • Blæja frá Saurbæ

      Blæja frá Saurbæ

    • Dómur

      Dómur

    • Blæja tölt

    Read more

  • Gráskinna - sjarmerandi hryssa  SELD

    Gráskinna - sjarmerandi hryssa SELD

    Gráskinna - 1 1

    Gráskinna frá Ásgeirsbrekku IS2007258481

    Gráskinna er myndarleg og sjarmerandi hryssa. Hún hefur fallegar hreyfingar og er hreingeng á gangtegundum. Gráskinna er ljúf og góð í allri umgengni, kurteis og þægileg. Hún er auðveld að ná úti í gerði og þæg í járningu sem dæmi. Gráskinna er ótrúlega þrifaleg ef hægt er að segja svo um hesta en hún er alltaf ótrúlega hrein miðað við að vera grá. Gráskinna er traust og þæg en jafnframt næm og viljug að gera það sem knapinn leggur fyrir hana, hún hentar því kannski ekki fyrir algjöra bryjendur en mjög vel fyrir aðeins vanari knapa. Hún svarar vel ábendingum og kann grunnin í ákveðnum fimiæfingum eins og sniðgang og krossgang. 

    Gráskinna er u.þ.b. 138 cm á hæð á herðakamb

    Gráksinna er vel ættuð. Hún er undan 1. verðlauna hryssunni Limru frá Ásgeirsbrekku sem hlaut í aðaleinkunn 8,04 í kynbótadómi. Faðir Gráskinnu er Huginn frá Haga sem er með hvorki meira né minna en 8,57 í aðaleinkunn, þar af 9,05 fyrir hæfileika í kynbótadómi. Huginn hefur einnig hlotið heiðursverðlaun fyrir afkvæmi sem er ein æðsta viðurkenning sem stóðhestur getur fengið.

    Fyrir nánari upplýsingar: heidrun(hja)saurbaer.is eða 8495654

    Read more

Print Email