Gleðilega páska

Written on .

Skírdagur 2 apríl var dásamlega fallegur dagur. Logn og blíða og sól allan daginn og ég er ekki frá því að maður hafi sólbrunnið örlítið í framan. Við fórum og gáfum stóðinu um morguninn og Heiðrún tók nokkrar myndir í fallega veðrinu. Um kvöldið var svo Kvennatölt Norðurlands haldið í 5 sinn. Þetta er skemmtilegt mót þar sem allar konur eru hvattar að taka þátt og aðalmálið að hafa gaman, glæsileg verðlaun í boði og alltaf ákveðið þema, en í ár var það fjólublátt. Við vorum samferða nágrönnum okkar frá Varmalæk 1 og karlarnir voru hestasveinar og ökuþórar. Vinnukonan okkar hún Flo tók líka þátt. Flo var að keppa í fyrsta sinn á ævinni og stóð sig glæsilega 5,70 í T7 og 9 sæti. Heiðrún og Stormur frá Saurbæ náðu að tölta sig inn í 5 sæti í opnum flokki með 6,39 og voru ánægð með sitt fyrsta mót. Það gleymdist að taka myndir af kvennatöltinu en í staðin koma nokkarar myndir frá stóðinu þar sem það lét fara vel um sig í sólinni. Við erum með nokkrar kindur hér í Saurbæ sem eru með mikinn karakter, en þær voru ekki búnar að fá sitt hey þegar myndirnar voru teknar og þær reyndu eftir fremsta megni að stela af hestunum, en það gekk nú misvel. Af öðru er að frétta að við höfum reynt að taka því rólega yfir páskana, verið heima, en alltaf er maður eitthvað að dunda í hesthúsinu. Svo vonum við bara að það fari að koma vor og sumar. Gleðilega páska! Smile

 

Vákur frá Saurbæ

Vákur frá Saurbæ

Þessi krúttsprengja heitir Vákur frá Saurbæ og er undan Hlekki frá Saurbæ og Vordísi frá Sjávarborg.
Hestar og kindur

Hestar og kindur

Kindurnar að reyna að stela tuggu frá merunum.
Sætir rassar

Sætir rassar

Hrúturinn og Þokusonur

Hrúturinn og Þokusonur

Þessi ungi foli sem er undan Þoku frá Hólum og Stála frá Kjarri, var í samræðum við forystuhrútinn sem bar sigur úr bítum.
Dagur frá Saurbæ

Dagur frá Saurbæ

Dagur frá Saurbæ fæddur 2013. F: Hlekkur frá Saurbæ. M: Lísa frá Hóli.

Print